Nos últimos anos, estamos a observar un fenómeno preocupante que afecta directamente á infancia: a «nenofobia». Este termo refírese ao rexeitamento ou discriminación cara aos nenos/as e xa non é só unha sensación illada, senón unha realidade palpable para moitas familias no territorio galego.
En primeiro lugar, o profesor Luis Ayuso, catedrático de socioloxía, explica que este fenómeno é consecuencia dun proceso de individualización social onde a sociedade percibe aos nenos como unha responsabilidade exclusiva dos pais, nais ou tutores legais e non como parte da comunidade. Así, a sociedade considera aos rapaces/as máis como unha molestia que como membros valiosos
Ademáis, existen numerosos exemplos desta «nenofobia» en acción. As familias enfróntanse a dificultades á hora de atopar vivendas en aluguer, xa que algúns propietarios rexeitan inquilinos con nenos/as. Do mesmo xeito, é común ver restaurantes e establecementos que desincentivan a presenza da infancia, xa sexa directamente ou a través de normas implícitas que limitan o seu comportamento.
Desde a nosa plataforma, Redeir@s, consideramos fundamental abordar esta problemática. Os nenos e nenas non só son o futuro, senón que tamén son unha parte esencial do noso presente. É imprescindible crear espazos accesibles onde se sintan benvidos, valorados e respectados.
Finalmente, é esencial que como sociedade reconsideremos a nosa actitude cara aos nenos e nenas, promovendo políticas e prácticas que fomenten a inclusión e o respecto. A «nenofobia» non só afecta ás familias de hoxe, senón que tamén prexudica o desenvolvemento social e emocional das futuras xeracións.
Podes ler a noticia completa de La voz de Galicia na seguinte ligazón: Niñofobia, ¿un fenómeno al alza en Galicia? «Sí que existe un recelo hacia los niños»
