Con motivo do Día Universal dos Dereitos da Infancia, a Plataforma de Organizacións de Infancia de Galicia (POIG), presentou o 19 de novembro o seu Informe sobre os Dereitos da Infancia en Galicia
Trátase dun informe elaborado polas 35 entidades membro da POIG, con colaboracións como as da Valedora do Pobo, ASEIA e CERMI, que fai un diagnóstico da situación actual dos dereitos da infancia. Ademais, fai unha listaxe de temas pendentes para unha mellora no seu cumprimento.
A POIG presentou o informe na Sede da Valedora do Pobo, nunha xornada que comezou coas exposicións de Javier Rey Ozores, Fiscal Xefe da Audiencia Provincial de A Coruña e Elena Rodríguez, psicóloga.
Ambos contaron a súa experiencia sobre a situación da infancia e adolescencia vítimas de delitos sexuais, acoso escolar e saúde mental.
Primeiramente, a Fiscalía aproveitou para ofrecer unha total colaboración coas entidades que forman parte da POIG e a todas as persoas afectadas.
En segundo lugar, destácouse o aumento do abuso sexual intrafamiliar. Primeiro, destacase que en moitos casos donde se abren medidas xudiciais, os centros educativos non abriran protocolos para a súa detección e prevención. As víctimas de acoso escolar senten en moitas ocasións culpa e vergoña.
Como consecuencia, as situacións de acoso escolar, ao alongarse no tempo, aumenta os danos nas vitimas, xa que se ven expostos a unha violencia continua.
Por último, Xesús Vilas, Presidente da POIG, destacou os aspectos máis relevantes do informe:
- importancia de ter unha Lei de Infancia en Galicia
- necesidade de avaliar a EGIA 2018-2020 e facer unha nova planificación
- implementar a figura de Valedor/a da Infancia en Galicia
- desenvolver máis mecanismos locais de participación infantil
- e atallar o incremento das taxas de pobreza infantil.
Finalmente destácase que tras a pandemia, os esforzos deben centrarse na prevención.
Neste contexto é relevante a inversións dos Fondos Next Generation da Unión Europea, con plan centrados centrados na reparación das consecuencias económicas e sociais da pandemia. Estes fondos, deben de estar dirixidos a mellorar o benestar dos nenos, nenas e adolescentes que máis sufriron a pandemia.
Tratouse dunha xornada que da pé a continuar con accións conxuntas entre a POIG e a Valedora do Pobo en defensa dos dereitos dos máis pequenos e pequenas.
#infanciagalicia #20N #ANosaVozOsNososDereitos
