O pasado día 19 de Novembro, celebrouse na Xunta de Galicia o acto polo Día da Infancia. Este acto, promovido pola Plataforma de Organización de Infancia de Galicia, levouse a cabo a lectura do Manifesto sobre os dereitos da infancia.
As nenas e nenos do Grupo de Participación Infantil e Adolescente da POIG fixeron un chamamento a políticos e entidades. No seu Manifesto Infantil sobre os Dereitos da Infancia, quixeron poñer o foco nas problemáticas que para elas e eles presentan mais problemas para a Infancia en Galicia.
O día 19 de Novembro, durante o acto celebrado nas instalacións da Xunta de Galicia, as representantes do Grupo de Participación Infantil e Adolescente, levaron a cabo a lectura do Manifesto polos dereitos da infancia. Neste Manifesto, incluíron as cuestións que mais lles preocupan e afectan á infancia.
Entre os temas tratados no Manifesto infantil destacan:
- A importancia de traballar a Educación Emocional e a xestión da frustración e da autoconfianza. Estas ferramentas son imprescindibles para que mozos e mozas poidan desenvolverse de forma positiva tanto no ámbito persoal coma no educativo.
- Exceso de temario nas asignaturas: A inabarcable cantidade de temario que as asignaturas conteñen, conlevan varios problemas derivaros. O primeiro é a falta de tempo para explicar de forma correcta todo este, polo que moitos mozas e mozas teñen que buscar fóra dos centros reforzo en asignaturas. O segundo problema implica a falta de tempo libre fora da escola debido á gran carga de deberes que se poñen. Por isto, demandan un espazo no centro onde facer eses deberes e ter a posibilidade de consultar as dúbidas aos docentes.
- A falta de adaptación do sistema educativo ás novas tecnoloxías fíxose destacable durante a pandemia. Demandan unha actualización das metodoloxías e a facilitación de recursos tecnolóxicos ás familias con menores sen recursos.
- Ademais, as mozas e mozos demandaron maior cercanía e preocupación dos equipos educativos e de orientación polos problemas dos nenos e nenas.
- Por último, demándase maior participación dos mozos e mozas nas decisións dos centros, a través de consellos de participación.
Mais alá do ámbito escolar, os mozos e mozas chamaron a atención sobre a loita contra o Bulling e o acceso que deben ter a información verídica sobre temas como a sexualidade, a seguridade na rede etc
Os mozos e mozas teñen claro que se necesita traballar para mellorar a súa calidade de vida e dereitos.
O último foco, no que quixeron facer fincapé na importancia de valorar e comprender os problemas das nenas e nenos, de igual forma que se da importancia a¡aos das persoas adultas.
Podedes leer o manifesto completo aquí.
