O sharenting –difusión en redes sociais de imaxes e comentarios sobre os/as fillos/as menores de idade polos seus pais ou nais–, é un fenómeno crecente.
O verán é unha época na que gozamos de máis tempo de lecer en familia, pasamos as vacacións facendo cousas que nos gustan e fotografámolas. Estamos orgullos@s do guap@s, gracios@s, simpátic@s, deportistas… que son @s nos@s fill@s e recollemos imaxes que atrapen as experiencias que viven.
Se quedasen nas nosas cámaras ou móbiles non estariamos a falar de sharenting senón de gardar recordos. O que pasa é que hoxe, coa existencia das redes sociais, é moi habitual que se compartan moitas desas imaxes.
É comprensible que pais e nais queiran compartir con outras persoas imaxes e vídeos dos seus fillos. Pero cando falamos de privacidade e menores convén que fagamos unha reflexión sobre os riscos e consecuencias que se poden derivar de facer un sharenting inadecuado ou incontrolado.
Aquí atoparedes algunhas reflexións sobre a importancia de coidar a imaxe dos nenos, nenas e adolescentes en RRSS:
1. PROTEXER A SÚA INTIMIDADE. Os familiares teñen a obrigación de coidar a imaxe dos máis pequenos e pequenas, non facer uso arbitrario dela, xa que teñen dereitos que deben ser protexidos de forma especial.
2. CERO VANTAXES. Os nenos e nenas non gañan nada coa publicación das imaxes.
3. EVITAR DIFERENZAS ENTRE PROXENITORES. Pode haber distintos criterios sobre que e como se comparten as imaxes dos menores por parte dos seus proxenitores. Cando os proxenitores non forman parella, o sharenting pode ser motivo de conflito.
4. COIDAR A SÚA PRIVACIDADE EN REDES SOCIAIS. É posible que oa pais e nais non coñezan ben como están a compartir esas imaxes. A xestión da privacidade das redes sociais non é fácil e cambia con frecuencia.
5. COMPARTIR DE FORMA SEGURA Hai outras formas máis seguras para compartir imaxes de forma privada. É importante limitar con quen se comparte a información e en que plataforma.
6. NON OFRECER DEMASIADA INFORMACIÓN. Habitualmente compártese máis información que a que se aprecia a primeira ollada. Unha imaxe inocente pode conter detalles de contexto importantes e mesmo xeolocalización.
7. EVITAR MÁIS DIFUSIÓN. Ao compartir as imaxes con outras persoas, estas poden asumir que iso significa que as poden compartir e que non son tan privadas. Sen mala intención, de forma directa ou indirecta, poden expandir o alcance e mesmo facelas públicas.
8. IMPEDIR A PERDA DE CONTROL. O que publicas escapa do teu control para sempre. Cando algo aparece nunha pantalla, é susceptible de ser capturado e reutilizado.
9. SER BO EXEMPLO. Non se deben compartir imaxes doutras persoas sen o seu consentimento xa que é unha infracción da normativa de protección de datos. Non é un bo exemplo para ninguén, menos aínda para os menores de idade.
Aínda non sabemos a totalidade de perigos que pode acarear, sen embargo, débese reflexionar sobre o alcance dos dereitos dos nenos, nenas e adolescentes. En ocasións entran en confrontacións os dereitos á liberdade de expresión dos pais e nais e os dereitos dos nenos e nenas a súa privacidade, sendo relevante incluir a súa participación, a súa visión.
Vendo todos estos riscos e a importancia de manter os dereitos dos nenos, nenas e adolescentes a salvo, lembra a importancia dun SHARENTING RESPONSABLE!
Desde Redeir@s facemos latente a importancia de respectar os dereitos dos nenos, nenas e adolescentes, en gran medida, sendo conscentes da relevancia da implicación da infancia e adolescencia nos asuntos que lle concerne.
Somos unha páxina da Plataforma de Organizacións de Infancia de Galicia apoiada desde a Xunta de Galicia.
