As entidades que forman parte da Plataforma e do grupo de participación infantil e adolescente de Redeir@s comparten un compromiso común: a defensa dos dereitos das nenas, nenos e adolescentes. Este compromiso conecta directamente cos obxectivos da Campaña Mundial pola Educación (CME), un movemento global que loita por garantir unha educación inclusiva e de calidade (ODS 4) para todas as persoas.
Este ano, a Campaña en Galicia está liderada por Ayuda en Acción e pon o foco na Educación en Emerxencias, un tema de vital importancia para a infancia en situacións de crise.
Por que unirse á CME Galicia?
- Enfoque na Educación en Emerxencias: Este tema prioritario busca protexer e empoderar á infancia en contextos críticos.
- Impacto colectivo: A CME é unha rede de colaboración entre ONGs, universidades e institucións. Sumarte significa compartir recursos e aprendizaxes para amplificar o impacto.
- Incidencia política: A CME traballa para influír nas políticas públicas autonómicas e locais, impulsando unha educación como prioridade real.
Oportunidades para as organizacións da POIG
- Difusión de información clave: A CME Galicia proporciona materiais para sensibilizar sobre o dereito á educación e sobre a Semana de Acción Mundial pola Educación (SAME).
- Organización de talleres: As entidades poden levar actividades educativas sobre a Educación en Emerxencias, con recursos da CME.
- Participación en actos de incidencia: A CME facilita o acceso a espazos de incidencia política, como o acto central no Parlamento Galego.
Para saber máis información, contacta con tsaenz@ayudaenaccion.org ou no teléfono 606 420 114
