Xa está aquí unha nova oportunidade formativa! Se che apaixona a educación e traballas coa xuventude, este curso é para ti. Descubre como contribuír ao logro dos Obxectivos de Desenvolvemento Sustentable (ODS) a través desta formación en liña de balde.
O curso inclúse dentro do proxecto da Campaña Mundial pola Educación 2025 Galicia e está deseñado para:
- Dotarte de ferramentas pedagóxicas e recursos innovadores.
- Fortalecer a túa capacidade para fomentar o activismo xuvenil.
- Inspirar as mozas e mozos a defender o seu dereito a unha educación inclusiva, equitativa e de calidade.
A quen vai dirixido?
- Docentes, educadoras/es, formadoras/es.
- Persoas que traballan con adolescentes e mozas/os en ONGs ou noutros espazos educativos.
Beneficios de participar:
- Aprende a involucrar a mocidade na defensa dos seus dereitos.
- Fortalece as túas competencias en liderado e activismo.
- Goza dunha experiencia de aprendizaxe 100% en liña, adaptada ao teu ritmo.
Como inscribirte?
As inscricións abriranse a finais de xaneiro.
- Fai clic aquí para rexistrarte de balde: Inscrición ao curso.
- Recibirás un correo coas instrucións de acceso. Lembra revisar o cartafol de spam!
Non perdas esta oportunidade!
O momento é agora. Forma parte dunha rede global de persoas educadoras comprometidas e fagamos que a educación sexa un dereito real e accesible para todas as persoas en todos os lugares do mundo.
Reserva a túa praza xa!
