Onte reuníuse o Consello Autonómico de Infancia e Adolescencia, presidido polo director xeral de Familia, Infancia e Dinamización Demográfica, Jacobo Rey, e coa participación da directora xeral de Promoción da Igualdade, María Quintiana, que reúne a rapaces e rapazas de entre os 8 e 17 anos de toda Galicia.
👦👧 Os membros deste consello proceden dos distintos Consellos locais de participación infantil, a Plataforma de Organizacións de Infancia de Galicia e o sistema de protección autonómico. A súa misión é proporcionar un espazo onde os nenos e nenas poidan expresarse libremente, compartindo as súas preocupacións e ideas.
Esta xuntanza marca un momento especial xa que se cumpre un ano desde que o CAIA foi constituído na Cidade da Cultura de Santiago de Compostela. Naquel acto inicial, trinta mozas e mozos foron nomeados vogais, representando diversos colectivos, incluíndo minorías étnicas, persoas con discapacidade e residentes de entornos rurais.
Durante a xornada, os participantes presentaron as propostas elaboradas nos seus encontros periódicos. Estas propostas, en concreto, contribúen a deseñar plans de acción conxunta que buscan mellorar a nosa sociedade desde a perspectiva da infancia e a adolescencia.
🤝 Co apoio do Goberno galego, que demostra o seu compromiso firme en escoitar e integrar as voces máis novas, o Consello Autonómico de Infancia e Adolescencia está consolidándose como unha ferramenta clave para a participación infantil en Galicia.
Dende a POIG, queremos agradecer o esforzo e a dedicación de todos os que fan posible esta iniciativa. Ademáis, comprometémonos a seguir traballando para que a voz da infancia e adolescencia teña un impacto real nas políticas e accións do noso territorio. 🌟
