Como cada ano, o 25 de Novembro celebrase o día Internacional para a Eliminación da Violencia cara as mulleres, Este ano, redeir@s vive o 25 de Novembro recordando porque se escolleu esta data.
Redeir@s vive o 25 de Novembro recordando porque este, foi o día escollido para loitar contra a violencia cara as mulleres:
O Día Internacional da Eliminación da Violencia contra a Muller celébrase o 25 de novembro desde 1981 en conmemoración polo asasinato das irmás Mirabal, coñecidas como as “As Bolboretas”, eran tres activistas políticas de República Dominicana. Loitaron contra a dictadura de Trujilllo, sendo encarceladas e torturadas moitas veces.
O 25 de novembro de 1960 foron secuestradas e malladas por axentes do Servizo de Intelixencia Militar dominicano, seguindo ordes de Trujillo. O asasinato desatou protestas en República Dominicana, e as irmás Mirabal pronto se converteron nun símbolo latinoamericano da loita contra a violencia de xénero.
No ano 1993, a Asemblea Xeral da ONU aprobou a Declaración sobre a eliminación da violencia contra a muller. Difiníuse o concepto de violencia contra a muller e reiterando o dereito das mulleres á igualdade, a seguridade e a dignidade. Finalmente, no ano 2000, a ONU declarou oficialmente o 25 de novembro como o Día Internacional da Eliminación da Violencia contra a Muller.
No ano 2020, en España, houbo un total de 46 vítimas mortales por violencia de xénero. Ademais este ano, producíronse no primeiro semestre mais de 75.000 denuncias nos xulgados de violencia sobre a muller.
A violencia cara as mulleres non só se ve viven vida adulta, nenas e adolescentes tamén sofren a diario situacións de violencia.
As nenas e adolescentes tamén son víctimas de este tipo de violencia, Segundo un estudo da delegación do goberno sobre a violencia de xénero:
- No ano 2020, o 13,6% das mozas recoñece sentirse presionadas sexualmente e o 6,2% afirma que a situación se produciu finalmente.
- O 16,9% din que a súa parella insultoulles ou ridiculizado.
- O 13,6% recoñece que a súa parella tentounas controlar a través do móbil.
Por todo isto, Redeir@s vive o 25 de Novembro un ano mais pedindo responsabilidade a todas e todos para loitar contra todo tipo de violencia.
