A POIG celebrou o día 19 un acto polos dereitos da Infancia na sede da Xunta de Galicia na capital Galega.
A este acto celebrado o día 19 de Novembro en Santiago, acudiron nenas e nenos de toda Galicia, ademáis de representantes das diferentes organizacións que forman parte da Plataforma de Organizacións de Infancia de Galicia.
O acto no que a POIG celebrou o día da infancia, dou comezo as 17:30 da tarde, cunha actuación da Orquesta da Escola Municipal de Música de Santiago. A Orquesta foi presentada por Rubén Prol, Concelleiro de Educación, Xuventude e Políticas Lingüísticas do concello de Santiago.
Durante o Acto, Xesús Vilas, presidente da POIG, e Jacobo Rey, director xeral de Familia, Infancia e Dinamización Demográfica da Xunta de Galicia, ratificaron o seu compromiso en traballar para que os dereitos da Infancia se cumpran en Galicia.
Ademais, expuxeronse durante o acto, as conclusións obtidas no proceso participativo polos Dereitos da Infancia. Este proceso participativo foi levado a cabo dende a POIG a mediados de ano.
Nas conclusións deste proceso, os nenos e nenas destacaron:
- A importancia da Educación Emocional nos Centros Educativos
- Educar en ciberseguridade a nenos, nenas e familias.
- A necesidade de igualar as oportunidades no ámbito da Educación.
- O exceso de tarefas que ocupan o seu tempo de Ocio e descanso, non puidendo desfrutar de este como se debe.
- A demanda de estructuras de participación infantil nos centros educativos.
Por outra banda, aproveitouse a ocasión para entregarlle a Jacobo Rey, unha copia do Informe sobre a situación da Infancia en Galicia.
Ademáis destácase a participación dos grupos de Aspanaes Ferrol e Down Galicia, que colaboraron no acto aportando as súas propostas para mellorar a situación da Infancia.
Por último, no acto tamén se levou a cabo a lectura dun Manifesto polos Dereitos da Infancia, redactado polo grupo de participación Infantil e Adolescente da POIG. Así como a sinatura da acta constitucional do mesmo grupo.
#infanciagalicia #20N #ANosaVozOsNososDereitos
