O pasado día 19 de Novembro, constituíuse durante o acto polos Dereitos da Infancia, celebrado polo Plataforma de Organizacións de Infancia de Galicia (POIG), o Grupo de Participación Infantil e Adolescente promovido pola mesma entidade.
Durante o acto polos dereitos da infancia, tivo lugar a sinatura da acta contitucional do Grupo Infantil e Adolescente. Neste Grupo, mozas e mozos de Galicia, comprometéronse a dar voz a infancia galega. Trasladarán esta voz á Plataforma de Organizacións de Infancia, así como ás entidades que traballan pola infancia no territorio galego.
O grupo infantil e adolescente está formado por 36 nenos e nenas que forman parte de 10 das 35 entidades que forman parte da POIG. Ademais, dúas persoas representantes do mesmo, foron as encargadas de leer o Manifesto polos Dereitos da infancia.
Finalmente, a constitución contou co apoio a dito grupo por parte de Xusús Vilar, presidente da POIG. Ademáis, Jacobo Rey, Director Xeral de familia e infancia da Xunta de Galicia e Rubén Prol, Concelleiro de educación do Consello de Santiago tamén apoiaron a constitución do grupo.
Este grupo reuniráse cada trimestre para debatir e trasladas as súas opinións e demandas á POIG. O obxectivo é defender os dereitos da infancia valorando e escoitando de primeira man a esta. As temáticas sobre as que traballarán serán todas aquelas que estando de actualidade, repercuta nos seus dereitos. Tamén traballarán sobre aqueles temas que elas e eles propoñan polo interés que poidan ter para a infancia galega.
Ademais, o grupo está a disposición de toda a infancia para que poidan trasladarlles as súas preocupación ou temas que consideran importantes.
