Un ano máis, con motivo da conmemoración do Día Universal dos Dereitos da Infancia, a Plataforma de Organizacións de Infancia de Galicia mediante a Plataforma de Infancia estatal, co apoio do Ministerio de Asuntos Sociais e Axenda 2030 e da Xunta de Galicia, organiza un proceso participativo para nenos, nenas e adolescentes para a formación, toma de conciencia e divulgación dos seus dereitos recollidos na Convención sobre os Dereitos do Neno.
En pasados anos a convocatoria contou cunha ampla participación en Galicia, e queremos que este sexa aínda maior, para dar a extender a importancia da participación infantil e un maior coñecemento dos dereitos da infancia e adolescencia galega.
Este ano, baixo o lema «INFANCIA E POBREZA», intégrase como acción a desenvolver en relación á promoción de iniciativas para a loita contra a pobreza infantil e a exclusión social, co obxectivo de coñecer a visión das mozas e mozos sobre o impacto da pobreza e a desigualdade.
Como noutros anos, plantéxase que as súas opinión e propostas poidan ser tidas en conta no desenvolvemento de políticas públicas.
As actividades divídense por grupos de idade: 6-8, 9-12 e 13-17 (en adxunto atoparedes un resumo das actividades a realizar). Podedes elixir realizar a totalidade delas ou as que máis se adapten aos vosos grupos.
Con posterioridade á realización das actividades, cada grupo debe reenviar as conclusión que se acaden, as cales serán achegadas aos responsables das políticas de infancia estatais e de Galicia en diversas conmemoracións que terán lugar na semana do 20 de novembro.
Toda a información sobre a convocatoria: infografía, datas clave, inscripcións, guía explicativa, actividades, atoparédelas aquí.
Para participar no proceso é imprescindible inscribirse no seguinte formulario que estará aberto ata o 30 de setembro de 2023.
A data límite para remitir as conclusións das actividades é o 15 de outubro de 2023.
Para todas aquelas entidades que queirades coñecer un pouco máis sobre a convocatoria, teñades dúbidas ou queirades que vos contemos un pouquiño máis do proceso, ofreceranse unha serie de webinars en liña informativas durante o mes de xuño (a mesma sesión, repetida varios días, alternando horarios de mañá e tarde). En necesaria inscrición en este formulario. As posibles datas, atoparédelas dentro do mesmo.
Esperamos que vos animedes a participar nesta convocatoria que ten como interés tratar unha temática tan relevante como a pobreza infantil.
Para calquera dúbida, podedes trasladala ao seguinte email da Plataforma de Infancia estatal participacion@plataformadeinfancia.org
Ou no caso de precisar máis información sobre accións que terán lugar en Galicia, podedes contactar coa Plataforma de Organizacións de Infancia de Galicia en secretariatecnica@infanciagalicia.org
Sobre a POIG
A Plataforma de Organizacións de Infancia Galega fundada no ano 2018 agrupa a 36 organizacións que comparten o obxectivo de defender, promover e protexer os dereitos das nenas, nenos e adolescentes no territorio galego.
