O pasado venres 14 de Outubro, tivemos a II Xuntanza do Grupo de Participación Infantil e Adolescente da POIG.
Foi unha xornada de reencontros, traballo e grabación, na que os mozos e mozas puideron volver a dar a súa voz sobre diferentes temáticas. Moitos dos e das participantes que xa acudiran á primeira xuntanza puideron volver a verse e pasar un tempo xuntos e xuntas.
Primeiro, a xornada comezou coa visita de Xesús Vilas, presidente da POIG que saudou as participantes e lles explicou a importancia da súa participación para a plataforma. Despois isto e tras unha breve presentación dos e das asistentes, comezou o traballo.
O segundo traballo que levamos a cabo, foi a participación nas actividades do proceso participativo do Día da Infancia proposto pola Plataforma estatal. Ademais de estas actividades desenvolveronse diversos debates os cales vos iremos contando en posteriores posts.
Posteriormente fixemos unha chuvia de ideas sobre os dereitos da infancia, para utilizalos no Mnifesto que redactaremos para a celebración do Día da Infancia este ano. Como sempre, aproveitamos os temas que traballand dende a plataforma para realizar as nosas aportacións. Este día estivemos moi interesados en falar da escola e de como mellorar a nosa experiencia como estudiantes, ademáis de falar de outros temas como o dereito ao voto, a familia e o dereito a intimidade.
Podedes seguir as seguintes publicacións nas nosas redes:
– Espazo Web: https://redeiros.org/
– Instagram: https://www.instagram.com/redeiros_as/
– Facebook: https://www.facebook.com/redeiros.as/
– Twitter: https://twitter.com/Redeiros_as
