A infancia coruñesa ten moito que dicir

Hoxe mércores 8 de febreiro celebrarase no Centro Ágora un encontro entre 294 alumnas e alumnos de centros coruñeses e o equipo de goberno da cidade no que os cativos achegarán as súas propostas.

Hoxe mércores 8 de febreiro celebrarase no Centro Ágora un encontro entre 294 alumnas e alumnos de centros coruñeses e o equipo de goberno da cidade no que os cativos achegarán as súas propostas.

Sementando Participación é un programa da área de Benestar Social do Concello da Coruña organizado en convenio coa organización defensora dos dereitos da infancia: Educo. O programa busca achegar o coñecemento do dereito á participación ás aulas co obxectivo de que a infancia poida expresar as súas ideas e opinión. A entidade responsable e organizadora do programa e o Concello de A Coruña polo que o acto será presidido pola alcaldesa Inés Rey e contará con todo o equipo de goberno.

Segundo o Art. 12 da Convención sobre os Dereitos da Infancia de 1989, “todas as nenas e nenos teñen dereito a expresar as súas opinións e a que estas sexan tidas en conta”. Neste sentido, esta proposta contribúe á educación para a participación activa na sociedade.
Os centros que participarán nesta edición son o CEIP Eusebio da Garda, CEIP San Pedro de Visma, CPR Fogar de Santa Margarida, CPR Calasancias e CPR Esclavas.

Nestes cinco anos que se leva celebrando Sementando Participación, mais de 1.000 nenas e nenos achegaron propostas para a mellora da súa cidade a través da presentación de distintas iniciativas nos eidos do ocio, o coidado ao medio ambiente, a educación ou o apoio aos colectivos mais vulnerábeis.

Educo é unha ONG global de infancia, con máis de 25 anos de experiencia, que actúa a favor da infancia e en defensa dos seus dereitos, en especial o dereito a unha educación equitativa e de calidade, que forma parte da Plataforma de Organizacións de Infancia de Galicia.