Xa podedes leer a sistematización das conclusións «Dereitos da infancia: aprenden e participan nos seus dereitos 2023».
Este documento, recolle as aportacións recibidas no proxecto «Dereitos da Infancia: aprenden e participan nos seus dereitos» financiado pola Xunta. Así pois, este proceso participativo englobase na campaña co lema «Infancia e Pobreza». En consecuencia, quere dar a coñecer e impulsar as demandas dos grupos de participantes relacionadas cos seus dereitos.
A participación no proceso do Día da Infancia realízase a través da participación de grupos de nenos, nenas e adolescentes. De modo que, centros educativos, concellos e entidades de infancia, recollen a opinión dunha gran diversidade de participantes e colectivos.
Este ano recolléronse nesta sistematización das conclusións un total 167 opinións de mozas e mozos de entre 6 e 17 anos sobre diferentes ámbitos no que a pobreza lles afecta e a súa relación co cumprimento dos dereitos da infancia.
Para este proceso deseñáronse actividades por temáticas. Por isto, crearonse fichas para ser descargadas e traballar de maneira presencial ou en liña.
Cada unha das temáticas incluía unhas actividades específicas deseñadas para distintas franxas de idade. De 6 a 8 anos, de 9 a 12 anos e de 13 a 17 anos. Cada actividade incluía unha ficha de desenvolvemento e un formulario de recollida de conclusións.
As temáticas escollidas este ano foron:
- BENS DE PRIMEIRA NECESIDADE: Inclue aqueles bens necesarios para que as vidas dos nenos e nenas se desenvolvan de forma positiva.
- EIDO EDUCATIVO: Traballouse neste ámbito a importancia da educación e o acceso aos estudos da infancia e adolescencia.
- OCIO E CULTURA: Realizouse unha análise daquelas actividades de ocio das que desfrutan os nenos e nenas, tanto coa familia como espazos dispoñibles nas zonas nas que residen.
- EIDO SANITARIO: Neste apartado traballouse previamente cos grupos os recursos sanitarios que se precisan nos espazos de saúde.
Todas estas actividades foron tamén relacionadas cos artigos da Convención dos Dereitos da Infancia.
