Primeira xuntanza presencial do Grupo de Participación Infantil e adolescente da POIG
Este pasado sábado 7 de Maio, levouse a cabo a primeira xuntanza presencial do Grupo de Participación Infantil e adolescente da POIG. A Plataforma de Infancia de Galicia, convocou ao seu grupo de mozos e mozas a asistir a unha xornada para trasmitir as súas opinións.
Este grupo constituiuse a finais de ano para conmemorar o Día dos Dereitos da Infancia na Xunta de Galicia. A esta xornada asistiron 13 nenos e nenas de diferentes entidades. Ademais, creouse un espazo online, para que algunhas persoas puideran participar nunha parte da xornada.
Neste día leváronse a cabo tanto actividades para coñecerse, como espazos de opinión. Ademáis realizouse unha comida conxunta, na cal puidemos compartir un espazo mais distendido entre todas e todos.
Primeiramente tivemos un espazo para aprender un pouco máis sobre a participación infantil e como podía levarse á cabo.
As participantes, tiveron tamén un espazo para opinar sobre diferentes temas. Algúns dos temas falados foron:
- Violencia cara nenos e nenas
- Mellora da saúde da infancia
- Como mellorar a educación de nenos e nenas.
- Formas de discriminación
Esperamos que as achegas acadadas na primeira xuntanza presencial do Grupo de Participación Infantil e adolescente da POIG, sexa escoitada polas figuras políticas correspondentes.
Ademáis de traballar por grupos, tamén tivemos un espazo para poñer en común e compartir o falado durante a xornada.
Para a Plataforma, esta primeira xuntanza presencial do Grupo de Participación Infantil e adolescente foi todo un éxito.
Seguidamente, subiremos ao longo das seguintes publicación todas as opinións e aportacións dadas polas mozas e mozos que asitiron.
Por último, non podemos acabar este artigo sen agradecerlle a todas as asistentes a implicación e as incríbles opinións e analises da súa realidade que fixeron nesta xornada.
Podedes seguir as conclusións deste día nas seguintes publicacións e nas nosas redes:
– Espazo Web: https://redeiros.org/
– Instagram: https://www.instagram.com/redeiros_as/
– Facebook: https://www.facebook.com/redeiros.as/
– Twitter: https://twitter.com/Redeiros_as
